Friday, July 6, 2007

SINYAL KUAT DARI TUHAN

 pura-pura jadi orang Betawi

Maap ni, Pak, Bu. Bukan saya ngajarin. Namanya kan demi kebaikan, ya kan? Orang kate, kalo antara tengah malem ampe menjelang subuh nyang namenye sinyal dari Allah lagi kuat-kuatnya. Coba dah, tahajud jangan ditinggalin, terus ngadu aje ama Allah. Ati tu rasenye kaya bisa nangkep jawaban Allah, perasaan jadi adem. Kalo ketinggalan tahajud perasaan ade nyang kurang gitu, percis orang ketagihan obat. Bukannya saya pernah ngobat. Kalo ketagihan nyang baek pan kagak ape-ape. Cuman ya itu, kayak yang Ibu bilang barusan. Kudu sabar. Kalo yang kita minta kaga dikasi, kitanya jangan ngambek ama Allah. Lah ngambek ame mertua aja kagak pantes apalagi ama Allah, bener kagak? Kali aja waktunye belon tepat. Atawa kita mo dikasi nyang lebih baek, ya pan? Giliran dikasi nyang pait, kudu bisa ngeliat hikmahnye, kalo kaga bisa jadi sentres. Pan sayang, idup cuman sekali pake sentres-sentres. Maap ni, Pak, Bu. Bukan saya ngajarin.

No comments:

Post a Comment